ភ្នំពេញ: ក្រសួងសុខាភិបាលត្រូវបានគេរាយការណ៍ថាកំពុងធ្វើការលើ “យុទ្ធសាស្ត្រចាកចេញ” ដើម្បីបន្ធូរបន្ថយការរឹតត្បិតស្ថានភាពកូវីដ-១៩ និងធ្វើឱ្យប្រទេសនេះត្រៀមខ្លួនរស់នៅក្នុងស្ថានភាពធម្មតាតាមគន្លងថ្មី។ អ្នកនាំពាក្យក្រសួងសុខាភិបាល លោកស្រី ឱ វណ្ណឌីន ត្រូវបានគេដកស្រង់សម្តីដែលនិយាយថា ប្រជាពលរដ្ឋក្នុងព្រះរាជាណាចក្រកម្ពុជា ត្រូវការចាប់ផ្តើមរៀនពីរបៀបរស់នៅជាមួយស្ថានភាពនៃវីរុស ប៉ុន្តែគាត់បាននិយាយថា “ការអនុវត្តគោលការណ៍ណែនាំដែលចេញដោយរដ្ឋាភិបាលនៅតែបន្តអនុវត្ត” ។ ការរឹតបន្តឹងបម្រាមបច្ចុប្បន្ននៅក្នុងទីក្រុងភ្នំពេញនឹងត្រូវផុតកំណត់នៅថ្ងៃសុក្រសប្តាហ៍ក្រោយនេះ។

សម្រាប់អាជីវកម្មដែលមានហានិភ័យខ្ពស់ក្នុងរាជធានី “តាមរបៀបធម្មតាគន្លងថ្មី” នឹងមិនអាចអនុវត្តក្នុងពេលឆាប់ៗនោះទេ។ ម្ចាស់អាជីវកម្មត្រូវបានបិទទ្វារចាប់តាំងពីដើមខែមីនា ប៉ុន្តែគេសង្កេតឃើញថា ប្រជាពលរដ្ឋបានអនុវត្តការពាក់ម៉ាស់ ការរក្សាគម្លាតសង្គម និងជៀសវាងជួបជុំគ្នាច្រើនតាមដែលអាចធ្វើទៅបាន គឺប្រហែលនឹងនៅបន្តការអនុវត្ត។

ប្រជាជន ៨០% បានទទួលវ៉ាក់សាំងពេញលេញទាំងពីរដូសរួចទៅហើយ។ ប្រទេសកម្ពុជាដូចជាប្រទេសសិង្ហបុរីដែរ កំពុងព្យាយាមដើម្បីទទួលបានភាពផ្សាំនៃវ៉ារ្យ៉ង់។ ការរស់នៅបែបគន្លងថ្មី នឹងមានន័យថា ការរស់នៅជាមួយវីរ៉ុសកូវីដ តាមរបៀបដែលយើងរស់ដូចគ្នានឹងជំងឺផ្តាសាយ។ តំណាងអង្គការសុខភាពពិភពលោកប្រចាំនៅកម្ពុជាលោកវេជ្ជបណ្ឌិត លី អាលីឡាន បានមានប្រសាសន៍ថា អង្គការសុខភាពពិភពលោកមានសេចក្តីរីករាយយ៉ាងខ្លាំងដែលបច្ចុប្បន្នស្ថានភាពជំងឺកូវីដ-១៩ នៅកម្ពុជាមានភាពប្រសើរឡើង។

ជាមួយគ្នានេះក្រសួងសុខាភិបាលបានកំពុងសម្លឹងមើលការពង្រីកការចាក់វ៉ាក់សាំង ដែលរួមបញ្ចូលទាំងកុមារដែលមានអាយុពី ១០-១២ ឆ្នាំ។ ការប្រើប្រាស់ស៊ីណូវ៉ាក់នឹងត្រូវបន្តប្រើប្រាស់ដូចយន្តការដែលមានស្រាប់ ហើយដែលកំពុងនាំចូលមកក្នុងប្រទេសជាបន្តបន្ទាប់តាមអាកាសយានដ្ឋានអន្តរជាតិភ្នំពេញ។ វ៉ាក់សាំងស៊ីណូវ៉ាក់ ត្រូវបានប្រើរួចទៅហើយចំពោះកុមារចាប់ពីអាយុ ៣ឆ្នាំនៅប្រទេសចិន ហើយត្រូវបានគេប្រើដើម្បីសម្រាប់កុមារកម្ពុជាដែលមានអាយុចាប់ពី ១២-១៧ឆ្នាំ៕